Kluba programo en danziger50 por 2017 – Proponoj

Chijare ni regule kunvenas en la kelo de la domo en Danziger 50, en la koktelejo „abbaubar“!

Lundo, la 9-an de januaro 2017 je 19h30 en danziger50 :novjara rondo.

Ni tostos al la nova jaro kaj diskutos pri nia programo por 2017. Chiu programpropono estas bonvena. Certe ankau indas paroli pri planoj en Berlino rilate al la Zamenhof-jaro.

La 23-an Peter Kühnel prezentos al ni Nepalajn vojagh-impresojn kun multaj fotoj kaj la projekton de Esperanto-domo en Kathmandu.

La 13-an de februaro prelego de Fritz Wollenberg pri germanlingvaj Zamenhof-biografioj

La tradicion de „Literaturaj Vesperoj“ certe ni daurigu. Povus okazi la sekvonta „Literatura Kafejo“ la 27-an de februaro.

La chijara slogano, proponita en nia decembra renkontigho, tekstas „La Esperanto-kulturo 100 jarojn post la morto de Ludoviko Zamenhof” Bonvolu pripensi, chu vi preferas alian sloganon!

Cetere en novembro 1997 per festo komencighis en nia siatempa kunvenejo „Kafejo mittendrin“ (Bornholmer Str. 18) la ghisnuna serio de temaj vesperoj de la Fakgrupo Esperanto en Kulturasocio Prenzlauer Berg r.A. Do, antau 20 jaroj mi transprenis la respondecon por la programo de Ulrich Wilke, kiu antaue kelkajn jarojn preparis la kunvenojn. En la sama jaro finis la Esperanto-agado en la Vilao Kreuzberg kaj kelkaj el la vizitintoj nun venis al Prenzlauer Berg. La Vilao Kreuzberg shanghighis de interkultura kunvenejo al knabina centro, kiu tie delonge ankau ne plu ekzistas. Hodiau en ghi trovighas itala restoracio.

Gerd Bussing ekde 1997 grave subtenas la Esperanto-agadon en Prenzlauer Berg.

 

 

Komparu ankau la retpaghojn: https://esperanto.berlin/grupoj/danziger-50/ kaj http://kvpb.de/events/fg-esperanto-klubprogramm-2017/!

This entry was posted in Vortrag, Danziger 50 and tagged . Bookmark the permalink.

Leave a Reply