Al la oktobra ludado venis 6 homoj kaj ni ludis la jenajn ludojn: Die Sternenfahrer von Catan, Skrablo en Esperanto, Zendo, kaj Pasis la Temp’, kaj ankaŭ multe babilis. Ni ankaŭ provis kelkajn novajn pladojn de la nova menuo de Kibo, kaj povas rekomendi ilin.
La sekva ludado okazos je sabato, la 21a de novembro, ekde la 14a horo kiel kutime, ĝis la 20a horo denove (laŭ la vintra horaro de la kafejo).
Bonvole kunportu ludojn se vi volas! Ĉiaj ludoj bonvenas! Ĉar ni uzas la spacon de la kafejo indas aĉeti manĝaĵo(j)n aŭ trinkaĵo(j)n dum la ludado, sed estas sufiĉe granda elekto, inkluzive de vegetaraj kaj veganaj ofertoj, kaj ne nur glaciaĵo kaj desertoj.
Jen la bazaj informoj:
Kiam? je sabato la 21a de novembro 2015, 14:00 ĝis ? (kafejo fermiĝas je la 20a horo dum vintro!)
Kie? ĉe Eiscafé Kibo
Transvaalstraße 13
13351 Berlin (Wedding)
publika transporto: U6 Seestraße aŭ Rehberge
Organizanto: Jessica Grasso
La samaj informoj ankaŭ estas troveblaj ĉe la jenaj paĝaroj:
Facebook: https://www.facebook.com/events/469598503245167/