Loko: Danziger Str. 50, Prenzlauer Berg, Berlin
Dato: 1-a de aŭgusto je la 19:00
Ni organizas tabulludan vesperon en la kulturcentro de Danziger 50 en Prenzlauer Berg. Vi ĉiuj bonvenas! Ni havos Dominion, 7 Wonders kaj Kingdom Builder (la ludo de la jaro). Se vi volas ludi ion alian, bonvolu kunporti ĝin aŭ peti, ke alia kunportu. Mi esperas vidi multajn el vi tie! Cetere, libere invitu viajn neesperantistajn amikojn. Ju pli da homoj, des pli bone! 🙂
Venu trovi rarajn librojn kaj subteni la bibliotekon dum la Komuna Kongreso! Por gajni spacon sur la bretaroj kaj monon por aĉeti novajn librojn, la biblioteko vendos librojn, kiujn ĝi havas multfoje.
En la biblioteko laboras nun nova bibliotekisto, Anja EISEMANN (jes, estas mi, kiu skribas). Ri estas finstudita bibliotekisto kaj helpas al Johano PACHTER kaj Christiane ALTROGGE plibonigi la bibliotekan oferton.
La biblioteko nun ankaŭ havas ŝatindan paĝon ĉe Fejsbuko! Bonvolu alliĝi kaj resti en kontakto kun ni!
Eble kelkaj el vi jam legis la alvokon de edukado.net:
La ekzamena komisiono de UEA studis la eblojn kaj decidis oferti tutmondan, nur SKRIBAN ekzamensesion por la 9a de junio 2012.
La “nur-skriba sesio” signifas, ke post sukcesa ekzameniĝo la kandidatoj akiros atestilon de ITK, sed nur pri la skriba parto, kaj iam, aliokaze, se ili bezonus kaj volus, ili povus trapasi nur la parolan parton pri kiu ili havos apartan atestilon. La du ekzamenpartoj KUNE konsistigas la KOMPLEKSAN ekzamenon, sed ne necesas trapasi ambaŭ partojn por akiri atestilon.
Ni devus arigi almenau kvin interesatojn por okazigi la skriban ekzamenon. Bv. indiki ghis la 22a de majo, chu vi emas fari la ekzamenon (kaj pagi la duonon de la koncerna kotizo). Ekzemplaj ekzamenoj troveblas che edukado.net.
Interesatoj povas komenti chi tie kun indiko de la lingvonivelo, kiun ili volas trapasi (B1, B2, C1) au skribi private pere de la kontaktilo.
Ekde majo la rondo en la kafejo Arema okazos en la dua vendredo de la monato, ekde la 19-a horo 30. Tiel ni esperas ebligi la viziton de la rondo ankaŭ al homoj, kiuj dum la laborsemajno devas leviĝi frue, kaj antaŭĝojas pri novaj regulaj partoprenantoj!
En la 8-a de marto la Berlina Radiostacio B2 sendis mallongan intervjuon kun Lu von Wunsch-Rolshoven. Jen ni disponigas ĉi tie la intervjuon kun la afabla permeso de B2, por ke vi povu aŭskulti ĝin.
Aligatorejo okazos en Berlin la 4an de marto, 20a-23a horo en trinkejo Aufsturz, Oranienburger Straße 67, 10115 Berlin-Mitte.
Ĉi monate nia grupo renkontiĝos je la 20a horo en barata restoracio en Charlottenburg
Chennai
Knobelsdorfferstr. 35
14059 Berlin
Vendrede, 24a de februaro, ekde la 20a horo
Bonvolu anonci vian partoprenon ĝis jaŭdo posttagmeze pro rezervo de tablo.
