La festo „Ni en kvartalo“ sur Münsterland-placo allogis la 15-an de junio multajn vizitantonj, precipe familiojn kun infanoj. Familitaŭga aranĝado kun konvena sceneja programo kaŭzis bonan humuron kaj agrablan atmosferon dum la festo.
Ĉe la Esperanto-stando multaj informis sin pri la aranĝoj okaze de la jubileo 10 jaroj Zamenhofparko kaj tuj kunprenis la flugfoliojn por la 3 jubileaj aranĝoj.
Oni ĝoje akceptis la planon, instali montrokeston en Zamenhofparko kun informafiŝo pri la historio de la parko kaj ĝia uzado, pri Ludoviko Zamenhof kaj pri la de li iniciatita internacia lingvo Esperanto, pri la Zamenhofparko en Leeuwarden (Nederlando) kaj la Esperantoplaco en Berlino-Neukölln. Ĉe la stando oni rigardis la proponon por la informtabulo kaj petis klarigojn. La propono trovis konsenton kaj de homoj en la kvartalo kaj de Esperanto-parolantoj, venintaj el aliaj berlinaj distriktoj al Lichtenberg.
Memkompreneble ankaŭ demandoj pri la lingvo Esperanto estis responditaj, krome demandoj pri ĝia disvastigo kaj kulturo kaj pri la eblecoj, lerni kaj apliki ĝin.
Uzante tabulon, estis klarigita la strukturo de Esperanto. La homoj foliumis en lernolibro, en vortaro, en gazetoj kaj kunprenis informmaterialiojn de GEJ aŭ/kaj GEA.
La Esperanto-stando estis unu el 26 standoj. Ni uzis la eblecon, ekparoli kun unuiĝoj, iniciatoj kaj partioj, kiuj tie standumis, kaj ni informi nin reciproke.
Urbkvartala kunordigantino Sabrina Herrmann klarigas sian konsentan opinion pri la montrokesta afiŝo por la Zamenhofparko
Dankon ni devas diri precipe al la Stadtteilkoordination Lichtenberg Mitte (Urbkvartala Kunordigado Lichtenberg Mezo), kiu ĉion ebligis.
Teksto kaj fotoj: Fritz Wollenberg