Esperanto-Kulturvespero en Esperanto-butiko, Katzbachstraße 25 (Kreuzberg),
Trafikiloj: U6, Buslinie 248 – Platz der Luftbrücke, Buslinioj 104 kaj 140 – Dudenstraße/Katzbachstraße
5-a de julio 2021, 19h30
„Kio estis – Kio estos? 11-a Literatura konkurso – Bjalistoko atendas niajn rakontojn“
La 11-an fojon la Podlaĥia Libraro Łukasz Górnicki en Bjalistoko kaj Bjalistoka Esperanto-Societo invitas al partopreno en la literatura konkurso “Esperanto ligas homojn”.
Rakontojn pri la temo „Kio estis – Kio estos?” oni atendas en Bjalistoko ĝis la 30-a de septembro.
En nia unua vespero post la longa Corona-paŭzo, memkompreneble okazigota laŭ la aktualaj Corona-reguloj, ni okupiĝos pri la partoprenkondiĉoj, pri ideoj por partopreno en la konkurso, pri la rakontoj, akceptitaj por la konkurso en la pasintaj jaroj…, do pri ĉio ĉirkaŭ ĉi-tiu interesa literatura konkurso Esperanta.
Al la renkontiĝo: Lunde ĉe Viktoriaparko