Post iom da neplanita somera paŭzo en julio, la aŭgusta ludado denove estis granda kaj sukcesa! Venis entute 19 homoj kaj 1 hundo, inkluzive de infanoj kaj kelkaj eksterlandaj gastoj kiuj venis por babili. Dum kelkaj horoj eĉ estis nur esperantistoj en la kafejo! 🙂
Ni ludis ĉifoje Dixit, Land Under, Tabuon en Esperanto, Continuo, kelkajn kartludojn, kaj Kvin (ludon por poŝtelefonoj kaj -komputiloj kiun Chuck ankoraŭ prilaboras), se mi sukcesis ĉion noti!
La sekva ludado okazos je sabato, la 13a de septembro, ekde la 14a horo kiel kutime.
Bonvole kunportu ludojn se vi volas! Ĉiaj ludoj bonvenas! Ĉar ni uzas la spacon de la kafejo indas aĉeti manĝaĵo(j)n aŭ trinkaĵo(j)n dum la ludado, sed estas sufiĉe granda elekto, inkluzive de vegetaraj kaj veganaj ofertoj, kaj ne nur glaciaĵo kaj desertoj.
Jen la bazaj informoj:
Kiam? je sabato la 13a de septembro 2014, 14:00 ĝis ? (kafejo fermiĝas je 21:30)
Kie? ĉe Eiscafé Kibo
Transvaalstraße 13
13351 Berlin (Wedding)
publika transporto: U6 Seestraße aŭ Rehberge
La samaj informoj ankaŭ estas troveblaj ĉe la jenaj paĝaroj:
Facebook: https://www.facebook.com/events/1476683559272615/