La ĉiumonata ludado daŭre estas sukcesa! Malgraŭ la fakto ke alia esperanto-renkontiĝo estis planita dum la sama tago, 8 ludantoj kaj kelkaj salutantoj ĉeestis la aprilan ludadon. Dum la tago ni ludis la jenajn ludojn: Qwirkle, Spot It, Lobo, kaj Funkenschlag (Power Grid).
La sekva ludado okazos je sabato, la 10a de majo, ekde la 14a horo kiel kutime.
Bonvole kunportu ludojn se vi volas! Ĉiaj ludoj estas bonvenaj! Ĉar ni uzas la spacon de la kafejo indas aĉeti manĝaĵo(j)n aŭ trinkaĵo(j)n dum la ludado, sed estas sufiĉe granda elekto, inkluzive de vegetaraj kaj veganaj ofertoj, kaj ne nur glaciaĵo kaj desertoj.
Jen la bazaj informoj:
Kiam? je sabato la 10a de majo 2014, 14:00 ĝis ? (kafejo fermiĝas je 21:30)
Kie? ĉe Eiscafé Kibo
Transvaalstraße 13
13351 Berlin (Wedding)
publika transporto: U6 Seestraße aŭ Rehberge
La samaj informoj ankaŭ estas troveblaj ĉe la jenaj paĝaroj:
Facebook: https://www.facebook.com/events/301284010028534/
Meetup (en la angla): http://www.meetup.com/Speak-Learn-Esperanto-in-Berlin/events/178167272/
Je la 1-a ĝis la 3-a majo 2014 okazos la jam tradicia, sed ĉifoje pli longa „Ponta Festo“ de la urbo Frankfurt (Odro), Germanio. Je la 1-a de majo Ronald Schindler el Frankfurt jam la sesan fojon instalos informstandon pri Esperanto nome de Esperanto-Asocio Berlin-Brandenburgio en kunlaboro kun la dulanda projekto “Nowa Amerika”.
La aranĝo de la sindikatoj kaj maldekstraj partioj okazos je la 1-a de majo inter 10:00 kaj 18:00 h ĉefe en la regiono de la urboponto inter Frankfurt (Odro) kaj Słubice. En la proksimeco de la ponto (al norda direkto) ankaŭ instaliĝos informstandon, rekonebla per Esperanto-flago.