Esperantoplaco – Mirakla horo al la 30-a!

Posted on December 19, 2021 by Fritz

Foto: Fritz Wollenberg

Kiam la 14-an de decembro ekde 16h45 iom post iom alvenis sur Esperantoplaco homoj scivolemaj pro la anoncita „Wunderstunde“ (Mirakla horo), engaĝitaj membroj de la Kulturlabor Trial & Error jam zorgis pri konvena lumigo sur la placo kaj ofertis trinkaĵojn kaj manĝetojn. AG Urban ankoraŭ metis novan afiŝon en la montrokeston ĉe la klimatprotektsteleoj. Ĝi informas pri la placo, ĝia historio, pri Zamenhof kaj pri Esperanto.

Poste Jenny de Trial & Error anoncis la elpaŝon de la kapoejro-grupo BerimbArte. Ĝiaj vervaj luktartaj dancoj, akompanitaj de la sonoj de Berimbau (muzikarko kun kalabaso),  Atabaque (tamburo) kaj de Pandeiro (tamburo kun cimbaletoj) entuziasmigis la ĉeestantojn.

Foto: Arkivo Jung

Foto: Fritz Wollenberg

Por Esperanto-Ligo Berlino-Brandenburgio Fritz Wollenberg dankis al la aranĝintoj AG Urban kaj Trial & Error, esprimis sian estimon pri la kapablo de la geartistoj kaj parolis pri la estiĝo kaj la historio de la placo, kiu ekestis per trafika trankviligo de stratkruciĝo kaj laŭ propono de Eva Hoffmann (1920–2008), loĝanta proksime, la 14-an de decembro 1991 ricevis la nomon Esperantoplaco. Prof. Bodo Manegold, tiutempa Konstrukonsilisto de Neukölln komune kun Eva Hoffmann senvualigis  stratŝildon. En aprilo 1992 estis plantita Zamenhofkverko, antaŭ kiu en 1999 prof. Manegold, intertempe Distrikta Urbestro de Neukölln, (1995–2001), dum festeto okaze de la 50-jariĝo de ELB inaŭguris memortabuleton. En 2007 per Festo de Tri Placoj oni festis la novaranĝadon de Esperantoplaco, Bohemia Placo kaj posta Placo de Amikeco. Estis instalita dua vojo sur la placo kaj sur la kruciĝo meze stelmozaiko.  En 2012 dum arta elpaŝo  sur la placo kadre de la kulturfestivalo 48 horoj Neukölln la munkena TrashArt-artistino ADLER A.F iniciatis plivalorigon de la placo kiel  „simbolo de interkonpreniĝo“. Ekde 2013 ĉiujare okazigis unuiĝoj, institucioj kaj loĝantoj de la kvartalo kune kun Esperanto-Ligo somerajn festojn kaj zorgis pri la placo. Laste en 2019 estis inaŭguritaj la klimatprotektaj steleoj de AG Urban.

Eva Hoffmann kaj prof. Bodo Manegold en aprilo 1992 sur Esperantoplaco. Foto: Fritz Wollenberg

Distrikta Urbesto Martin Hikel en sia salutparolado pro la jubileo akcentis la gravecon de la interkompreniĝo inter homoj speciale en Neukölln kaj la pozitivan efikon de la ekzisto de placo portanta la nomon de la lingvo Esperanto ĉi tie. Li surprizis la geaŭskultantojn per saluto kaj adiaŭo en Esperanto.

Eksa Distrikta Urbestro prof. Bodo Manegold kaj Distrikta Urbestro Martin Hikel salutparoladas. Foto: Arkivo Jung

Speciala surprizo estis la ĉeesto de la ankoraŭ multe okupata prof. Manegold. Li aprezis Eva Hoffmann kiel „patrino de la Esperantoplaco“ kaj memorigis pri tio, ke ŝi  per siaj proponoj montris saĝecon. Li opiniis, ke kelkiuj devus peti senkulpigon, ĉar kelkaj el ŝiaj proponoj, siatempe pririditaj, hodiaŭ estas efektivigataj, ekzemple la daŭripova agado rilate al akvo en Britzer Garten (Ĝardeno de Britz). Inter la ĉeestantoj ankaŭ estis sinjorino Patermann de la katolika konmunumo Sankta Rikardo kaj la direktorino de la Löwenzahn-Grundschule (Leontoda Baza Lernejo) sinjorino Kioschis.

Foto: Arkivo Jung

Foto: Fritz Wollenberg

Oni admiris post la salutparoladoj la spirhaltigan fajran arton de la grupo Dracarys Hüter (Gardantoj de Dracarys), kiuj sorĉis sur la Esperantoplacon novajn lumajn efikojn.

La promeso ne estis troiga. Mirakla horo al la 30-a!

Posted in Fest, Esperantoplatz, Uncategorized | Tagged , | Comments Off on Esperantoplaco – Mirakla horo al la 30-a!

Lunde ĉe Viktoriaparko – januaro 2022 – “Konferenco pri la estonteco de Eŭropo” kaj Esperanto

Posted on December 9, 2021 by Fritz

Esperanto-kulturvespero en Esperanto-butiko, Katzbachstraße 25 (Kreuzberg). Trafikiloj: U6, Buslinio 248 – Platz der Luftbrücke, Buslinioj 104 kaj 140 – Dudenstraße/Katzbachstraße.

3-a de januaro 2022, 19h30

„Konferenco pri la estonteco de Eŭropo kaj Esperanto“

Jean-Paul Kuhfahl donas enrigardon pri ideoj, proponitaj de esperantistoj sur la plurlingva platformo, kaj montras, kiamaniere ĉiu povas partopreni la debaton.

Ankoraŭ ĝis printempo 2022 okazas la debato. Poste la plenkunsido de la konferenco diskutos pri la raporto al la organoj de Eŭropa Unio kaj decidos pri ĝi La raporto enhavos rekomendojn por sekvaj agoj. Bazo de ĝi estas la diskutoj de la civitanaj forumoj kaj la plenkunsido de la konferenco.

La propono pri la programo “Multlingva Akcelilo” (kun uzo de Esperanto en bazaj lernejoj por enkonduki la instruadon de fremdaj lingvoj), kiun proponis Seán Ó Riain (prezidanto de Eŭropa Esperanto-Unio), estas ĝis nun la plej populara propono.

Al la renkontiĝo: Lunde ĉe Viktoriaparko

Posted in Montags am Viktoriapark | Tagged , | Comments Off on Lunde ĉe Viktoriaparko – januaro 2022 – “Konferenco pri la estonteco de Eŭropo” kaj Esperanto

Urbogvidilo „De Zamenhofparko al Rummelsburger See“ aperas en decembro

Posted on November 25, 2021 by Fritz

En decembro aperos la dulingva urbogvidilo „De Zamenhofparko al Rummelsburger See“ kiel volumo 1 de la serio Vojaĝo tra Berlino kaj ĝia Esperanto-kulturo en la eldonejo Fritz Wollenberg, ISBN 978-3-9823965-0-7, prezo: 6 Euroj.

 

La 52-paĝa volumo en praktika A5-formato enhavas vojskizon, vojpriskribon kaj informojn pri vidindaĵoj kaj kun ili ligitaj facetoj de la Esperanto-kulturo, estas riĉe ilustrita (54 koloraj fotoj) kaj kompletigita per indekso de personoj, bibliografio kaj Malgranda Esperanto-gramatiko por lernantoj.

 

Ĉirkaŭ 2 horojn la ekskurso gvidas tra Rummelsburg, urboparto de Berlino-Lichtenberg, kaj najbaraj lokoj ĝis la pitoreske aspekta Rummelsburger See (Lago de Rummelsburg).

 

Dum la Esperanto-aranĝoj la 6-an de decembro Lunde ĉe Viktoriaparko kaj la 11-an de decembro Zamenhoffesto oni ofertos la urbogvidilon.

 

Posted in Lichtenberg | Tagged , , , | Comments Off on Urbogvidilo „De Zamenhofparko al Rummelsburger See“ aperas en decembro

Lunde ĉe Viktoriaparko – decembro 2021 – Retrorigardo al la jarkunveno de la Societo pri Interlingvistiko en 2021

Posted on November 21, 2021 by Fritz

Esperanto-kulturvespero en Esperanto-butiko, Katzbachstraße 25 (Kreuzberg). Trafikiloj: U6, Buslinio 248 – Platz der Luftbrücke, Buslinioj 104 kaj 140 – Dudenstraße/Katzbachstraße.

6-a de decembro 2021, 19h30

„Retrorigardo al la jarkunveno de la Societo pri Interlingvistiko en 2021“

La 31-a jarkunveno de la Societo pri Interlingvistiko okazis de la 12-a ĝis la 14-a de novembro 2021 en Junulargastejo Berlino Ostkreuz kun la ĉeftemo Planlingvo kaj arto.

Ni retrorigardos al la interesaj prelegoj, faritaj ĉijare denove en ĉeesto, kaj al la voĉlegado de la aŭstria verkisto kaj Georog-Büchner-premiito 2021 Clemens J. Setz („Die Bienen und das Unsichtbare“) kun posta interparolado.

Al la renkontiĝo: Lunde ĉe Viktoriaparko

Posted in Montags am Viktoriapark | Tagged | Comments Off on Lunde ĉe Viktoriaparko – decembro 2021 – Retrorigardo al la jarkunveno de la Societo pri Interlingvistiko en 2021

Lunde ĉe Viktoriaparko – novembro 2021 – D-ro Ernst Kliemke – respondeculo por orientafrika fervojo

Posted on October 11, 2021 by Fritz

Esperanto-kulturvespero en Esperanto-butiko, Katzbachstraße 25 (Kreuzberg). Trafikiloj: U6, Buslinio 248 – Platz der Luftbrücke, Buslinioj 104 kaj 140 – Dudenstraße/Katzbachstraße.

1-a de novembro 2021, 19h30

„D-ro Ernst Kliemke – respondeculo por orientafrika fervojo“

La prelegon pri la interesa berlina esperantisto kaj prezidanto de Germana Esperanto-Asocio 1925–1929) Ernst Kliemke faris Roland Schnell jam en la virtuala Transponta Esperanto-Kongreso kadre de la faka programo de IFEF. Kliemke ja kiel direktoro de la orientafrika fervoja kompanio en la tiama germana kolonio organizis la konstruon kaj funkcion de metroŝpura fervoja linio inter Daressalam kaj Tanganjika-lago. Aŭskultu nun reale la prelegon en Esperanto-butiko. Roland Schnell priskribas la defiojn alfrontatajn, kiam Kliemke planis kaj realigis la projekton, parolas pri la tasko de la linio, la rolo de Kliemke, pri liaj ideoj kaj vizioj.

Al la renkontiĝo: Lunde ĉe Viktoriaparko

Posted in Vortrag, Montags am Viktoriapark | Comments Off on Lunde ĉe Viktoriaparko – novembro 2021 – D-ro Ernst Kliemke – respondeculo por orientafrika fervojo

Raporto Membrokunveno

Posted on October 10, 2021 by admin

Ĉi tiu artikolo ne legeblas en Esperanto.

Posted in Uncategorized | Comments Off on Raporto Membrokunveno

(Deutsch) Einladung – Jahreshauptversammlung ELBB – 2021-10-09

Posted on September 9, 2021 by Ronaldo

Ĉi tiu artikolo ne legeblas en Esperanto.

Posted in Uncategorized | Comments Off on (Deutsch) Einladung – Jahreshauptversammlung ELBB – 2021-10-09

Lunde ĉe Viktoriaparko – oktobro 2021 – La Itala Esperanto-Kongreso en Asizo 2021

Posted on September 7, 2021 by Fritz

Esperanto-kulturvespero en Esperanto-butiko, Katzbachstraße 25 (Kreuzberg). Trafikiloj: U6, Buslinio 248 – Platz der Luftbrücke, Buslinioj 104 kaj 140 – Dudenstraße/Katzbachstraße.

4-a de oktobro 2021, 19h30

„La Itala Esperanto-Kongreso en Asizo 2021“

Wera Blanke, la sola partopreninto el Berlino, rakontas pri la 88-a Itala Esperanto-Kongreso en Asizo (20-a – 27-a de aŭgusto 2021, temo: „Sankta Francisko kaj la lupo: paco kaj milito en la nuna mondo“), kiu devintus okazi jam en 2020. La organizintoj devis ĝin okazigi virtuale.

Wera Blanke opinias:  „Por la nun „vive venintaj“ tiu unua „Ceesto“ estis granda EKSPIRO – malgraŭ la ĉie portendaj („medicinaj“) maskoj!”

Ŝi raportas: La kongresan (pluraspektan) temon traktis Renato Corsetti kun aliaj dum 4-taga seminario, antaŭtagmeze post tre vigla kaj instrua seminario de Duncan Ĉarters (prezidanto de UEA). Krome okazis lingvokursoj, libroprezentadoj, diverstemaj prelegoj kaj, kompreneble, tre riĉa ekskursaro. Temo de mia prelego: „Suna lumo tra jarmiloj: Akenatono kaj Francisko – ĉu spiritaj fratoj?“.”

Al la renkontiĝo: Lunde ĉe Viktoriaparko

Posted in Vortrag, Montags am Viktoriapark | Comments Off on Lunde ĉe Viktoriaparko – oktobro 2021 – La Itala Esperanto-Kongreso en Asizo 2021

(Deutsch) Montags 14 h Lietzensee

Posted on August 17, 2021 by Roland Schnell
Posted in Uncategorized | Comments Off on (Deutsch) Montags 14 h Lietzensee

Lunde ĉe Viktoriaparko – septembro 2021 – Niaj virtualaj Esperanto-kongresoj en 2021

Posted on August 15, 2021 by Fritz

Esperanto-kulturvespero en Esperanto-butiko, Katzbachstraße 25 (Kreuzberg). Trafikiloj: U6, Buslinio 248 – Platz der Luftbrücke, Buslinioj 104 kaj 140 – Dudenstraße/Katzbachstraße.

6-a de septembro 2021, 19h30

„Niaj virtualaj Esperanto-kongresoj en 2021“

Kun Ulrich Brandenburg, la prezidanto de Germana Esperanto-Asocio, kaj aliaj partoprenantoj ni rigardas al la virtuala Transponta Esperanto-Kongreso, aranĝita de la 21-a  ĝis la 24-a de majo 2021 de Pola Esperanto-Asocio komune kun la Germana Esperanto-Asocio kaj la Internacia Fervojista Esperanto-Federacio. Ebligita de Jean-Paul Kufall en la Esperanto-butiko kelkaj esperantistoj partoprenis la virtualan Universalan Kongreson de Esperanto. Ni rerigardas ankaŭ al ĝi.

Al la renkontiĝo: Lunde ĉe Viktoriaparko

Posted in Uncategorized | Comments Off on Lunde ĉe Viktoriaparko – septembro 2021 – Niaj virtualaj Esperanto-kongresoj en 2021