Dum septembro ni estis nur 4 ludantoj, sed inter ni estis unu eksterlandano kiu dum tiu semajnfino vizitis Berlinon. Ni tamen ĝuis la tagon, kaj ludis la jenajn ludojn: Spot It, Tikal, Qwirkle Cards, Isle of Skye, kaj Bohnanza
La sekva ludado okazos je sabato, la 15a de oktobro, ekde la 14a horo kiel kutime, ĝis la 20a horo (komenciĝas denove la “vintra” horaro de la kafejo).
Bonvole kunportu ludojn se vi volas! Ĉiaj ludoj bonvenas! Ĉar ni uzas la spacon de la kafejo indas aĉeti manĝaĵo(j)n aŭ trinkaĵo(j)n dum la ludado, sed estas sufiĉe granda elekto, inkluzive de vegetaraj kaj veganaj ofertoj, kaj ne nur glaciaĵo kaj desertoj.
Jen la bazaj informoj:
Kiam? je sabato la 15 de oktobro 2016, 14:00 ĝis ? (kafejo fermiĝas je la 20a horo dum vintro)
Kie? ĉe Eiscafé Kibo
Transvaalstraße 13
13351 Berlin (Wedding)
publika transporto: U6 Seestraße aŭ Rehberge
DR. MAX J. METZGER
BRUDER PAULUS
JG. 1887
CHRISTLICHER WIDERSTAND
VERHAFTET 29.6.1943
HOCHVERRRAT
ZUM TODE VERURTEILT
BRANDENBURG-GÖRDEN
ENTHAUPTET 17.4.1944
La Germana sekcio de la “Kristana Esperantista Ligo Internacia (KELI)” intencas partopreni en al “Kirchentag 2017 per informbudo pri Esperanto. Helpantoj estas bonvenaj.
Informoj pri la evento estas (germane) legeblaj en kirchentag.de .
La novan informafiŝon kreis Esperanto-Ligo Berlino kune kun la AG Urban, kiu respondecas pri la profesie farita dezajno. La preterpasanto ekde la malkovro povas informiĝi pri estiĝo kaj historio de la placo, pri la aranĝado, la institucioj ĉirkau la placo kaj pri Esperanto.
Por la festo AG Urban preparis eventon en la placangulo Schudomastraße / Braunschweiger Straße. Estos instalitaj elementoj uzeblaj de la vizitantoj ankaŭ por sidi kaj aŭskulti informojn kaj opiniojn pri la placo en germana lingvo kaj en Esperanto. Proprajn opiniojn kaj ideojn oni povas esprimi ĉe yourkiez.de.
Hodiaŭ (3a de septembro) en Vojevodia biblioteko en Szczecin “Ksiaznica Pomorska”
okazis kadre de tutpollanda legado de la romano “Quo Vadis” de nobelpremiita Henryk Sienkiewicz ankaŭ legado en esperanto, far de membroj de Esperanto-Asocio Szczecin.
kie en la mezo (minuto 4:30 gxis 6:00), post legado en itala, legado en E kaj kun
E-flago. Speciale la leginta studentino Karolina Rzeszuto estas konata de
dufoja vizito de la Zamenhoffestoj en Berlin.
La parto el la traduko de Lidja Zamenhof, kiun legis Karolina Rzeszuto:
Post tiu festeno, dum kiu, enuigita de arlekenado de Vatinius, li partoprenis kun Nero, Lucanus kaj Senecio la diskuton: ĉu virino havas animon – leviĝinte malfrue, li ĝuis, kiel ordinare, banon. Du grandegaj banistoj ĵus metis lin sur cipresan mensa, kovritan per neĝblanka egipta byssus, kaj per manoj, trempitaj en aroma olivoleo, komencis froti lian belforman korpon – kaj li atendis kun fermitaj okuloj, ĝis la varmo de la laconicum kaj la varmo de iliaj manoj transiros en lin kaj forigos el li la lacecon.
Sed post certa tempo li ekparolis kaj, malferminte la okulojn, demandis pri la vetero kaj poste pri la gemoj, kiujn juvelisto Idomen promesis alsendi hodiaŭ, ke li rigardu ilin. Montriĝis, ke la vetero estas belega, kun facila vento de la Albana montaro, kaj ke la gemojn oni ne alportis. Petronius denove duonfermis la okulojn kaj ordonis, ke oni transportu lin en la tepidarium – kiam subite de post la kurteno montriĝis nomenclator, anoncante viziton de juna Marcus Vinicius, ĵus veninta el Malgranda Azio.
Petronius ordonis enlasi la gaston en la tepidarium, kien ankaŭ li mem transiris. Vinicius estis filo de lia pli aĝa fratino, kiu antaŭ jaroj edziniĝis kun Marcus Vinicius, konsulo en la tempo de Tiberius. La juna Vinicius servis nune sub Corbulo kontraŭ la partoj (nomo de gento), kaj post la fino de la milito revenis en la urbon. Petronius havis al li certan inklinon, preskaŭ amemon, ĉar Marcus estis belega kaj atleta junulo, kaj samtempe li sciis gardi certan estetan moderecon en diboĉo, kion Petronius estimis super ĉio.
La menuoj estas videblaj en la retejo kaj ofertas ankaŭ ion por vegetaranoj. La kompleta menuo estas prezentata en la retejo (PDF)
Informoj pri bulgara kuirarto en wikipedio ne abundas. Estas certaj komunaj trajtoj kun turkaj, grekaj kaj balkanaj manĝaĵoj. Sufiĉe da materialo por diskuti pri terminologiaj aspektoj.
Post unumonata paŭzo pro ABELO (kiu estis tre sukcesa, kaj pri kiu raporto espereble baldaŭ aperos), ni denove dum aŭgusto renkontiĝis kaj ludis ĉe la glaciaĵkafejo Kibo.
Sep homoj partoprenis kaj ni ludis la jenajn ludojn: Hase und Igel, 6 nimmt/Take 5, Boost, Yavalath, Isle of Sky, Siedler von Catan/Settlers of Catan, Cartagena, Res Publica, kaj Mamma Mia.
La sekva ludado okazos je sabato, la 17a de septembro, ekde la 14a horo kiel kutime, ĝis la 22a horo (la lasta “somera” kaj tial pli longa monato de 2016).
Bonvole kunportu ludojn se vi volas! Ĉiaj ludoj bonvenas! Ĉar ni uzas la spacon de la kafejo indas aĉeti manĝaĵo(j)n aŭ trinkaĵo(j)n dum la ludado, sed estas sufiĉe granda elekto, inkluzive de vegetaraj kaj veganaj ofertoj, kaj ne nur glaciaĵo kaj desertoj.
Jen la bazaj informoj:
Kiam? je sabato la 17 de septembro 2016, 14:00 ĝis ? (kafejo fermiĝas je la 22a horo dum somero)
Kie? ĉe Eiscafé Kibo
Transvaalstraße 13
13351 Berlin (Wedding)
publika transporto: U6 Seestraße aŭ Rehberge
Por paca kunesto – 4-a Somera Festo sur la Esperantoplaco
Merkredon, la 14-an de septembro 2016 de la 15-a ĝis la 18-a horo
Bunta nekomerca programo kun kantado, dancado kaj teatra prezentado, informstandoj kaj ekspozicio, ludagadoj por infanoj kaj junuloj, ĝardenumado sur la verdaj areoj kaj alio ankaŭ ĉi-jare kunigu homojn el la kvartalo kaj de ekstere sur la Esperantoplaco.
GGmbH A-Z Hilfen Berlin (Komunutila Societo kun limigita responso A-Z Helpoj Berlino) kun sia socia engaĝiĝo kaj Esperanto-Ligo Berlino r.A. kun sia baza celo de interkultura kompreniĝo komune kun ceteraj unuiĝoj, institucioj kaj loĝantoj ĉirkaŭ la Esperantoplaco aranĝas la Someran Feston por
– informi pri siaj intencoj kaj ofertoj kaj resti en interkonsiliĝa kontakto pri tio
– plivalorigi, pli interese aranĝi kaj pli konatigi la Esperantoplacon kiel lokon de renkontiĝoj inter kulturoj
– atentigi pri la situacio kaj la ŝancoj en la kvartalo ĉirkaŭ la Esperantoplaco.
La muzikan, dancan kaj teatran programon meze de la placo prezentos infanoj kaj junuloj el la infanvartejo Sankta Rikardo, el la Löwenzahn-Grundschule (Leontoda Elementa Lernejo) kaj el la Interkultura Teatra Centro ĉe la Esperantoplaco, krome la Esperanto-kantofaranto Stephan Schneider.
La kampanjon „Parolu klartekston sub la Zamenhof-kverko“ malfermos la aranĝantoj per siaj pensoj pri la placo kaj la kvartalo.
Kunlaborantoj de A-Z Hilfen Berlin klarigas siajn helpofertojn por enmizeriĝintaj junaj plenkreskuloj kaj aldone zorgos pri kafo kaj kuko ĝueblaj komforte ĉe tabloj.
Ili ankaŭ kune kun la Interkultura Teatra Centro okupiĝas pri agadeblecoj por infanoj. Pri junuloj okupiĝas Outreach Neukölln kaj la Junulara Klubo „Die Scheune“ (Fojnejo) per futbal- kaj basketballudoj sur la pilko-ludejo.
La verdigan eventon sur la placo organizas la „Stadtagenten“ (Urbaj Agentoj) pere de la programo “Soziale Stadt” (Sociala urbo).
La artisto Christoph agi Böhm prezentas la aktualan staton de sia arta projekto „Vogel/Welt/Stadt“ („Birda/Monda/Urbo) sur la Esperantoplaco.
La internacian lingvo Esperanto la vizitantoj spertos dum la muzika programo kaj ĉe aliaj okazoj dum la festo.
Niaj someraj festoj estas tradicio kun pozitivaj impulsoj por la Esperantoplaco. Ankaŭ de la festo la 14-an de septembro ni atendas interesajn ideojn por tiu ĉi Novkolonja placo, la verda oazo proksime de la stacidomo Sonnenallee, la pordego al la Bohemia Kvartalo kaj al la malnova Rixdorf.
La somera festo estas subtenata el financaj rimedoj de la agadfonduso de Quartiersmanagement (Kvartala Manaĝado) pere de la programo „Soziale Stadt“.
Se vi deziras pliajn informojn, bonvolu kontakti:
A-Z Hilfen Berlin gGmbH Geschäftsstelle: Am Treptower Park 28-30, Haus A, 4. OG, 12435 Berlin
Pressemitteilung