Danziger 50

En la kulturdomo “danziger50” ekde longe ekzistas fakgrupo Esperanto.

Kie: Danziger Straße 50, 10435 Berlin en la kela koktelejo “Abbaubar” (sonorila butono: Gewölbebar)

Kiam: La duan kaj kvaran lundojn de ĉiu monato (krom festotagoj), 19h30

Trafikiloj: 600 metrojn (14 minutojn) de la metroostacio “Eberswalder Straße” (U2); la haltejo “Husemannstraße” de la tramo M10 (atingebla ĉe Hauptbahnhof) troviĝas preskaŭ antaŭ la domo; la haltejo “Prenzlauer Allee/Danziger Straße” de la tramo M2 (atingebla ĉe Alexanderplatz) troviĝas en mallonga piedira distanco (8 minutojn); de la S-trajna stacio “Prenzlauer Allee” oni piediras pli longe (18 minutojn).

Kontaktojn vidu ce kvpb.de

La prelegoj laŭintence kaj plej ofte okazas en Esperanto. Se estas bezono, oni povas doni resumojn en la germana lingvo.
 

10a de Aprilo 2017, 19h30
„La plej influaj retprojektoj ekde 2000“ – Chuck Smith proprasperte analizas ilin kun ni.

24a de Aprilo 2017, 19h30
„Trovi Esperanton en Afriko“ – Horst Gruner, vivinta en kvin Afrikaj landoj, kune kun ni entreprenos esplorvojaĝon.

8a de Majo 2017, 19h30
“Portugalio: Vojaĝo tra la lando de la 103a UK (2018)” – Nia Esperanto-amiko Ulrich Brandenburg, ambasadoro de Germanio en Portugalio 2014-2016, gvidos nin kun multaj fotoj.

22a de Majo 2017, 19h30
„Kion volas, kiel funkcias la demokratio-movado DiEM25?“ Judith Meyer informas nin.

12a de Junio 2017, 19h30
Aventuro Esperanto-butiko – Katzbachstraße
Ĝojoj kaj malĝojoj de gvidantino de la GEA-oficejo – Sibylle Bauer rakontas pri siaj travivaĵoj kun interesaj vizitantoj, temporabaj arkivlaboroj, originalaj najbaroj, torento da retmesaĝoj ktp.

26a de Junio 2017, 19h30
Fascinaĵo Esperanto – libroprezentado per interparolado
Spertu Thilo Schwarz-Schlüßler (estrarano de la Kulturasocio Prenzlauer Berg r.A.) dum interparolado kun la redaktoro kaj aŭtoro Fritz Wollenberg pri la Jubilea Libro de Esperanto-Asocio Berlino-Brandenburgio pri 1903-2014: „ Esperanto – lingvo kaj kulturo en Berlino kaj Brandenburgio – 111 jaroj“, Eld. EABB, Red. Fritz Wollenberg, eldonejo Mondial – Novjorko, Berlino, 509 paĝoj, ĉirkaŭ 200 ilustraĵoj, dulingve Esperanto, germana, ISBN 978-1-59569-340-2, prezo: 24€.
En Berlino la libro estas havebla en la „Esperanto-Laden“ (Esperanto-butiko), Katzbachstraße 25. Bonvolu atenti pri la tempoj de malfermo:
https://www.esperanto.de/eo/enhavo/la-esperanto-butiko-en-berlino

Kiel muzikistino el Schwedt faras el sia sentokaoso Esperanto-kantojn. Kion japana profesoro en Frankfurto ĉe Odro eltrovas pri la interkompreniĝo inter poloj kaj germanoj. Pro kio psikologo studas 1600 paĝojn el aktoj de la Ŝtata Sekureco de GDR por libro pri la Esperanto-junularo en GDR. Kial hispanino, vivanta en Brandenburgio, ligas kun Esperanto pozitivajn bildojn kiel eksterlando, paradizo, suno, helo. Por kio forstista fakulo en Eberswalde okupigas 100 homojn pri kolektado de forstfakaj nocioj en 20 lingvoj. Kiujn motivojn aŭstraliano, vivanta en Berlino, havas por traduki esperantlingvan romanon de kroata verkistino pri aŭstria aktorino en la germanan.

Multaj nekutimaj literaturaj kaj sciencaj artikoloj, vojaĝpriskriboj, kantotekstoj kaj aliaj kontribuoj el la libro estos prezentataj dum la interparolado. Ĉiuj reprezentas la Esperanto-kulturon, pri kiu kelkaj asertas, ke ĝi tute ne ekzistas, sed pri kiu scianto de la lingvo kaj de la lingvokomunumo estos intervjuata.

La aranĝo okazos germanlingve kun resumoj en Esperanto.

10a de Julio 2017, 19h30
Esperanto-Literatura Vespero – Aŭskultu perlojn el la Esperanto-literaturo kaj voĉlegu mem iun de vi ŝatatan literaturaĵon, se vi deziras tion!

24a de Julio 2017, 19h30
Zamenhof-honorigo en Varsovio
La Konferenco de Pola Esperanto-Asocio omaĝe al Zamenhof en Varsovio la 28-an ĝis la 30-a de aprilo 2017 – Johann Pachter raportas kaj montras fotojn.