Dum novembro denove venis 12 homoj por ludi kaj denove esperantistoj plenigis duonon de la kafejo. La jenaj ludoj estis luditaj: Murmel Monster, Ursuppe, Muhle, Ohne Furcht und Adel, Machi Koro, Splendor, kaj Sticheln.
La sekva ludado okazos je sabato, la 17a de decembro, ekde la 14a horo kiel kutime, ĝis la 21a horo. (Ni konstatis ke la “vintra” horaro de la kafejo estas unu horo pli longa ol dum la pasinta jaro. Hura!)
Bonvole kunportu ludojn se vi volas! Ĉiaj ludoj bonvenas! Ĉar ni uzas la spacon de la kafejo indas aĉeti manĝaĵo(j)n aŭ trinkaĵo(j)n dum la ludado, sed estas sufiĉe granda elekto, inkluzive de vegetaraj kaj veganaj ofertoj, kaj ne nur glaciaĵo kaj desertoj.
Jen la bazaj informoj:
Kiam? je sabato la 17 de decembro 2016, 14:00 ĝis ? (kafejo nun fermiĝas je la 21a horo dum vintro)
Kie? ĉe Eiscafé Kibo
Transvaalstraße 13
13351 Berlin (Wedding)
publika transporto: U6 Seestraße aŭ Rehberge
Organizanto: Jessica Grasso
La samaj informoj ankaŭ estas troveblaj ĉe la jenaj paĝaroj:
Facebook: https://www.facebook.com/events/1822039761344172/
300 hederoplantojn aktivuloj de A-Z Hilfen, Auxilium Klientenverwaltung, Stadtagenten kaj Esperanto-Ligo Berlin la 1-an de novembro 2016 metis sur la nordorientan verdan areon de la Esperantoplaco en Berlin-Neukölln. Ankaŭ la pejzaĝa arkitektino sinjorino Longardt kunlaboris. Laŭ ŝia plano ni plibeligas la placon kaj zorgas pri daŭra plantaĵo. Auxilium Klientenverwaltung regalis la aktivulojn per kafo, teo kaj keksoj. Kolegino de la Interkultura Teatra Centro akvumis la plantojn.
Specialan dankon meritas “Stadtagenten”, por la disponigo de la 300 hederoplantoj.