Rerigardo al la 7-a Somera Festo sur Esperantoplaco la 28-an de aŭgusto 2019
Klimatprotekto parolas multajn lingvon – tio tuj evidentiĝis dum “Bonveno sur Esperantoplaco”. Eksonis la saluto unue germane kaj Esperante kaj poste pole, angle, france, kroate, turke, itale, hispane kaj latve.
Pri kio temis en la festo, por novalvenintoj tuj klariĝis, ĉar multaj el la 100 festpartoprenintoj, el kiuj 20 parolis Esperanton, baldaŭ portis pinglobutonojn, faritajn ĉe la stando de Quartiersmanagement Richardplatz Süd (Kvartala Manaĝado Richardplaco Sudo – QM).
Ĉijare la unuiĝo Yopic r.A., Esperanto-Ligo Berlino-Brandenburgio (ELBB) kaj Interkulturelles Theaterzentrum (Interkultura Teatra Centro – itz) estis la aranĝantoj de la somera festo.
Dum sia salutparoladeto la unuiĝa prezidantino d-ro Doris Habermann klarigis, kiamaniere Yopic r.A. per la projekto „Be Inspired“ (Estu inspirata) kontribuas al daŭripova klimatprotekto en la distrikto Neukölln. La projekto estas subtenata de Federacia Ministerio pri Medio, Naturprotektado kaj Nuklea Sekureco kadre de nacia klimatprotekta iniciato.
La prezidanto de ELBB Ronald Schindler indikis pri tio, kio eblis pere de la 
kunordigita agado de la partoprenantoj en la preparo kaj efektivigo de la someraj festoj sur Esperantoplaco. 
Gabriele Bassow ligis siajn dezirojn por bela festo kun invito de infanoj kaj junuloj al pli ofta akcepto de la ofertoj de itz ĉe la Esperantoplaco.
Poste okazis bunta programo, gvidita de Sofie Koscholke de Yopic r.A. kaj 
Fritz Wollenberg de ELBB kaj malfermita de la Esperanto-Regea kantisto Jonny M, 
kiu elpaŝis triafoje sur Esperantoplaco, montranta kapablon, entuziasmigi publikon en aĝo de 5 ĝis 90.
Veganaj homoj manĝas ne la bestojn – tio estis lia unua muzika mesaĝo tiu-tage, pledanta por estimo de la bonfarto de bestoj, la malpliigo de vianda konsumado kaj per tio evito de negativaj efikoj al la medio. En interreto oni povas spekti filmeton kaj aŭskulti ankoraŭfoje ĉi-kanton.
Kulmino de la ĉi-jara festo estis la inaŭguro de la klimatprotekto-steleoj sur Esperantoplaco. Ili estis kreitaj en la projekto „Kool im Kiez (Mojosa en kvartalo) – loka klimatprotekto en Richard-kvartalo“ (Subteno de QM kadre de programo Sociala Urbo) de la responsulo AG URBAN.
La urboplanisto dipl-inĝ. Michael Pinetzki eksplikis la sencon de la nova instalaĵo sur Esperantoplaco.
La kolora grafiko informas pri evoluo de temperaturo, precipitaĵo, kaj karbona dioksido en aero tutmonde, en Germanio kaj en Berlino.
En unu el la du montrokestoj troviĝas la konata afiŝo pri Esperantoplaco, antaŭe rigardebla en la intertempe forigita montrokesto, sed ankaŭ informoj pri la signifo de la steleoj. Ili simboligas la 10 arbojn sur Esperantoplaco. Ni ekscias, ke 10 arboj produktas la oksigenon por 20 personoj. Grafike estas prezentitaj ankaŭ aliaj interrilatoj.
Safak Yildiz de Distrikta Oficejo Neukölln, Kunordigado de Kvartala Manaĝado, aprezis la engaĝiĝon por la festo kaj por klimatprotekto, speciale la laboron de AG URBAN kadre de la projekto „Kool im Kiez“ (Majosa en kvartalo), kio ebligis la novan instalaĵon sur Esperantoplaco. Per distranĉo de la rubando ŝi transdonis la klimatprotekt-steleojn al la publiko.
Laŭ la slogano „Parolu klartekston sub la Zamenhof-kverko“ loĝantoj diris opinion pri la situacio ĉirkaŭ la placo. Knabina grupo sub gvido de Michelle esprimis pensojn pri klimato unue per dancado. Poste la knabinoj el la Löwenzahn-Grundschule (Leontoda-bazlernejo) diris tre klare, kion ĉiu ĉiutage povas kontribui al klimatprotekto. La elpaŝo de tiu ĉi grupo kaj la ritma frapado de la grupo de Ricardo per mem konstruitaj upcycling-instrumentoj estiĝis en kunlaboro de Yopic r.A. kaj itz.
Dank al la perado de la Kafejo de gepatroj de la Löwenzahn-bazlernejo kaj de la benkoj kaj tabloj de la preĝejo Sankta Rikardo ni ankaŭ ĉi-foje havis kafejon sur la placo, de kie la gevizitantoj, ĝuantaj kafon, kukon kaj/aŭ nealkoholajn trinkaĵojn, povis spekti la programon sur la stelmozaiko ĝis la finaj muzikaj kontribuoj de la muzikgrupo „QUERBEET (KLEZMER & MEHR).
Kun la responsulo Kiez & Natur (Kvartalo kaj Naturo) oni dum la festo ankaŭ ĝardene laboris. „Empowerment für Umweltbewusstsein“ (Kapabligo por media konscio) nomiĝas same per la QM subtenita projekto, en kies kadro estas prizorgitaj fare de geloĝantoj malgrandaj verdaĵoj.
La metiejo „Kosmetikaĵoj mem faritaj“ ĉe la stando de Yopic r.A.trovis multajn ŝatantojn, same kiel la Esperanto-informstando, la stando de QM, kaj de la Kiezhausmeister (kvartalaj zorgistoj) kun ilia ŝarĝbiciklo kaj iliaj ofertoj. Kelkaj homoj ankaŭ rigardis en la malferman preĝejon Sankta Rikardo.
La fantazie ŝminkitaj vizaĝoj de la infanoj malkaŝis, ke ŝminkado de itz plaĉis al infanoj.
La bela atmosfero de la festo kun la specifaj enhavoj ekestis per la kunagado de loĝantoj, unuiĝoj kaj institucioj ĉirkaŭ la Esperantoplaco, al kiuj apartenas la junularo klubo de AWO „Die Scheune“ (Garbejo) kaj A-Z Hilfen (A-Z Helpoj).
Spite al malfacila situacio A-Z Hilfen grave kontribuis al la preparo de la festo. Fone Klemens de itz zorgis pri bonkvalita laŭteco de muziko kaj parolo. La festo estis financita el la Aktionsfonds (Agadfonduso) de QM Richardplatz Süd respektive el la projekto Empowerment für Umweltbewusstsein“ (Kapabligo por media konscio) de Kiez & Natur kadre de la programo Soziale Stadt (Sociala urbo) kaj per la unuiĝo YOPIC r.A.
Teksto: Fritz Wollenberg, Fotoj: Victoria Casodino kaj Fritz Wollenberg
Paĝo el la gastlibro de la festo
Pingback: Esperanto tago 26a de Julio |