La 30-an de septembro aperos la dulingva urbogvidilo „De Esperantoplaco al Hasenheide“ 
kiel volumo 2 de la serio Vojaĝo tra Berlino kaj ĝia Esperanto-kulturo en la eldonejo Fritz Wollenberg, ISBN 978-3-9823965-2-1, prezo: 6 Eŭroj.
La 100-paĝa volumo en praktika A5-formato enhavas vojskizon, vojpriskribon kaj informojn pri vidindaĵoj kaj kun ili ligitaj facetoj de la Esperanto-kulturo, estas riĉe ilustrita (96 ilustraĵoj, plejparte koloraj fotoj) kaj kompletigita per indekso de personoj, bibliografio kaj Malgranda Esperanto-gramatiko por lernantoj.
Ĉirkaŭ 3 horojn la ekskurso gvidas tra la berlina urboparto Neukölln.
Ekde la 30-a de septembro la urbogvidilo estas mendebla en librovendejoj aŭ interrete.
En Esperanto-butiko (Katzbachstraße 25) kaj en Neukölln en la librovendejo „Die gute Seite“ (La bona paĝo, Richardplatz 16) oni aparte ofertas ĝin..
Memkompreneble volumo 1 „De Zamenhofparko al Rummelsburger See“ (Rummelsburg, Friedrichsfelde) ankoraŭ estas ricevebla. Oni aparte ofertas ĝin en la lichtenberga librovendejo „Paul und Paula“ (Pfarrstraße 121).